ပဒေါင် မ်ိန်းမပျို(၁၉၆၀ နှစ်များ?)

တောသဘာဝ ရှုမျှော်ခင်း(၁၉၃၀ နှစ်များ

မန်မာ အနုပညာ။
ဦးဘသန့်၏
``တောသဘာဝ ရှုမျှော်ခင်း(၁၉၃၀ နှစ်များ)``......အမည်ရ ပန်းချီကား။
``....ဝါကြန်နေသော ပုံကားများ``အကြောင်း ကျွန်ုပ်တို့ တင်ဆက်ခဲ့စဉ်က ``Thant``ဟူ၍ လက်မှတ်ရေးထိုးထားသော ပဟေဠိရေဆေးပန်းချီ၏ လက်ရာပိုင်ရှင်သည် ဤဦးဘသန့်...ဖြစ်မည်လား.....ဟူ၍ တွေးဆချက်အသစ်တစ်ရပ်သည် တိုးလာခဲ့လေ၏။ ဤဦးဘသန့်ကရော....မည်သူများပါလဲ၊ သူသည် စစ်ကြိုခေတ် ပန်းချီဆရာတစ်ဦး၊ သူရေးဆွဲထားသည့် မော်လမြိုင်အနီးတဝိုက် ရှုခင်းကားအချို့ကို ကျွန်ုပ်တို့ လေ့လာခွင့်ရခဲ့၍ ....ဤသို့ဆိုလျှင် သူသည် ထိုမော်လမြိုင်သားတစ်ဦးပင် ဖြစ်နေမည်လား၊ ....သူ၏ ပုံကားအချို့သည် ဝေးတမြေပန်းချီစုဆောင်းသူ၊ ဂယ်လာရီများတွင် ထိန်းသိမ်းထားလျက်ရှိကြောင်း၊ ..... ထို့ထက်ပိုမိုကာ ကျွန်ုပ်တို့ သိနားလည်ခြင်းမရှိ။ .....ဤပုံကားသည် မော်လမြိုင်ရှုမျှော်ခင်း...ဟူ၍ ကျွန်ုပ်တို့ ဖော်ပြခဲ့သည့်အတိုင်း မုတ္တမပင်လယ်ကွေ့၊ ဂျိုင်းနှင့် အတ္ထရံမြစ်ဆုံအနီးတဝိုက်က တောကြိုရှိုမြောင်များကြားဝယ်၊ အပြာရောင်ကောင်းကင်ကြီးကို နောက်ခံပြုကာ ထင်းရှာ၊ ရေခပ်၊ ငါးမျှားနေကြသူ တောသူတောင်သားများ၏ ဓလေ့စရိုက်လေးကို ဦးဘသန့်က ပုံဖော်ထားလေရာတွင် ငြိမ်သက်အေးချမ်းခြင်း၊ တည်ငြိမ်လှပခြင်း...ဟူသော သန္တရသကို ကျွန်ုပ်တို့ ခံစားရ၏။ ဟိုအဝေးတောင်ခြေက ကျေးလက်နေအိမ်နှင့် ဥယျာဉ်ခြံမြေလေးသည်လည်း အပူအပင်ကင်းသူတို့၏ နေရာဒေသ၊ လောဘ-ဒေါသ-မောဟတရား အပူဓာတ်များ ကင်းပရာ ဒေသအငယ်စားလေးဖြစ်ဖွယ်ရာ ရှိလေသည်။ သို့နှင့် ရှားပါးသော စစ်ကြိုခေတ်လက်ရာ ရေဆေးပန်းချီကားတစ်ချပ်ကို ပန်းချီမြတ်နိုးသူ သင့်အတွက် ကျွန်ုပ်တို့ စီစဉ်တင်ဆက်လိုက်ရပေတော့သည်။

`ငယ်ရွယ်သူလေးတစ်ဦး(၁၉၃၀)`

မန်မာ အနုပညာ။
ရတနာပုံ မောင်စု၏
``ငယ်ရွယ်သူလေးတစ်ဦး(၁၉၃၀)``....အမည်ရ ပန်းချီကား။
ဤရေဆေး ဆရာသမား၏ လက်ရာမြောက်သော ပုံကားအချို့ကို ယခင်ကလည်း ကျွန်ုပ်တို့ တင်ဆက်ခဲ့ဖူးရာတွင် ....ရန်ကုန်သူလေးတစ်ဦး...ဟူ၍ ပန်းချီဆရာက ဝန်ခံခဲ့သည့် ဤပုံတူကားလေးကတော့ မြင်တွေ့ရခဲကာ ပိုမိုရှားပါးသည်...ဟု ဆိုဖွယ်ရာရှိပေသည်။ အနောက်တိုင်း ပန်းချီအကဲခတ်တစ်ဦးကမူ ဤပုံထဲက သူမ၏ မျက်မှာကို အနုစိတ်နှင့် အသက်ဝင်အောင် ခြယ်မှုန်းနိုင်ခြင်းကိုယ်တိုင်က ဤပန်းချီဆရာ၏ သမ္ဘာရင့်မှုကို ပြသနေသည်....ဟု ခပ်တိုတိုပင် မှတ်ချက်ပြုခဲ့၏။ ရတနာပုံမောင်စု၏ အကြောင်းကို ကျွန်ုပ်တို့ ကျယ်ကျယ်ပြန့်ပြန့် မသိရသည့်တိုင် .....သူ့အကြောင်း လေ့လာနေသူ ရေးနတ်က ``သူသည် ၁၉၀၃၊ ...မန္တလေးမြို့တွင် ဖွေးဖွားခဲ့၍ ၁၉၂၀ နှစ်များ အစောပိုင်းတွင် ရန်ကုန်သို့ ပြောင်းရွှေ့နေထိုင်ခဲ့ကြောင်း၊ သူသည် ပန်းချီကားများ ရေးဆွဲနေစဉ်ကာလမှာပင် ....တေးရေးဆရာ၊ အဆိုတော်နှင့် တူရိယာသမားအနေနှင့်လည်း ရှင်သန်ခဲ့သူ ဖြစ်ကြောင်း၊ ၁၉၃၀ နှစ်များတွင်တော့ ရတနာပုံ မောင်စုသည် ပန်းချီနယ်သို့သာ ကူးပြောင်းရောက်ရှိခဲ့၍ .....သူ၏ ပုံကားများတွင် နည်းနည်းချင်း ခြားနားချက်တွေ မြင်တွေ့ရသည့်တိုင် .....သူသည် အားသန်ရာ သည်တစ်ခုဆိုလျှင် သည်တစ်ခု လုပ်တတ်ကြောင်း၊ အချို့သော လက်ရာများတွင် ထိုစဉ်က လုပ်ရိုးလုပ်စဉ်မရှိသည့် ဓာတ်ပုံမှ ပန်းချီအဖြစ်သို့ သူက ဖန်တီးယူခဲ့ပုံရကာ .....ယခုခေတ် မြန်မာပန်းချီဆရာများသည် ထိုနည်းနာကို အလေ့အကျင့်ရ ကျင့်သုံးလာတတ်ကြပေသည်။``ဟု ဆိုခဲ့ပေသည်။ ဤရတနာပုံ မောင်စု(၁၉၀၃-၆၅)၏ လက်ရာမြောက်သော ပန်းချီ ၉-ကားကို မြန်မာပြည် အမျိုးသားပြတိုက်တွင် ထိန်းသိမ်းထားရှိ၍ ...နောက်ထပ် ၅-ကားမှာ ဗြိတိန်နိုင်ငံ၊ ဗစ်တိုးရီးယားနှင့် အဲလ်ဘတ်ပြတိုက်တွင် ပြသထားကြောင်းဖြင့် လေ့လာသိရှိရလေ၏။ သို့နှင့် ဤဆရာသမား ရတနာပုံ မောင်စု၏ ရှားပါးသော ရန်ကုန်သူလေးတစ်ဦး၏ အလှကို သင် နှစ်သက်ခံစားနိုင်ရန် ကျွန်ုပ်တို့ စီစဉ်တင်ဆက်လိုက်ပါကြောင်း။

မြစ်ဘေး ကျေးရွာကလေး(၁၉၃၆)`

မန်မာ အနုပညာ။
မောင်လာဘံ၏
``မြစ်ဘေး ကျေးရွာကလေး(၁၉၃၆)``....အမည်ရ ပန်းချီကား။
လူသိနည်း၍ လျှို့ဝှက်နေခဲ့သော မောင်လာဘံ၏ ပုံကားလေးတစ်ချပ်ကို ဆက်လက်လိုပေသေးသည်။ ဤပန်းချီဆရာ၏ ပုံကားလေးများသည် ဝေးတမြေ ပန်းချီစုဆောင်းသူများ၏ လက်ဝယ်သို့ ရောက်ရှိနေခဲ့ရာတွင် ....သူနှင့် ခေတ်ပြိုင်...ဟုဆိုအပ်သော ဦးသိန်းမောင်၊ ဦးတင်အိတို့သည် သူနှင့်နှိုင်းစာလျှင် ပိုမိုလူသိများသေးသည်...ဟု ဆိုရန်ရှိပေသည်။ ၁၉၃၀ နှစ်များ၏ မောင်လာဘံသည် လူပုံတူများထက် ``ရှုမျှော်ခင်း``ပန်းချီများရေးဆွဲရခြင်းတွင် ပိုမိုနှစ်ခြိုက်ခဲ့ပုံရလေရာတွင် ``ရေမင်းသား ဆရာဆောင်``၏ စိတ်ကူးခံစားချက်များနှင့် ပိုမိုနီးစပ်နေဖွယ်ရာ ရှိပေတော့သည်။ ....ဤပုံကားလေးတွင် အချိန်ဟူသော တရားသည် လွန်စွာနှေးကွေးစွာ ရွေ့လျားနေသော ခေတ်တစ်ခု၏ ငြိမ်သက်အေးချမ်းမှုသည် ပေါ်လွင်နေခဲ့၏။ ဤနေရာတွင် စစ်မက်မရှိ၊ အညစ်အကြေးအစွန်းအထင်း မရှိ....၊ ရေစီးသံနှင့် ငှက်ကျေးသံများသာ ကြားရနိုင်မည်။ ဤအကြောင်းကို ပြာလဲ့သည့် ကောင်းကင်၊ အရိပ်ထင်သည့် ကြည်လင်သော ရေအယဉ်၊ လှေငယ်တစ်စီးနှင့် ရေအိုးသယ်ရွက်သူ လုံမတို့၏ ပုံရိပ်များက ပြောပြနေကြသည်...ဟု ကျွန်ုပ်တို့က သဘောရနေမိပေသည်။ သို့နှင့် စစ်ကြိုခေတ် ပန်းချီဆရာ မောင်လာဘံ၏ ပုံကားလေးတစ်ချပ်ကို သင် နှစ်သက်ခံစားနိုင်ရန် ကျွန်ုပ်တို့ စီစဉ်တင်ဆက်လိုက်ပါကြောင်း။ — with Myanmarink Artgallery 

``ရွှေတိဂုံစေတီတော်(၁၉၃၆)``

မြန်မာ အနုပညာ။
မောင်လာဘံ၏
``ရွှေတိဂုံစေတီတော်(၁၉၃၆)``....အမည်ရ ပန်းချီကား။
ဤပန်းချီဆရာနှင့် စပ်လျဉ်း၍ ပဟေဠိဆန်သော အချက်အလက်များမှာ ပြီးဆုံးမသွားခဲ့ပေ။ သူ၏ ``မြစ်ဧရာရှုမျှော်ခင်း`` ရေဆေးပန်းချီကားနှစ်ချပ်ကို ဤရက်များအတွင်း ကျွန်ုပ်တို့ တင်ဆက်ခဲ့ပြီးနောက် ရှားပါးသော စစ်ကြိုခေတ်လက်ရာဖြစ်သည့် သူ၏ ....``ရွှေတိဂုံစေတီတော်``အမည်ရသည့် ဤပုံကားလေးမှာ ``မောင်လာဘံ``ဆိုင်ရာ အပိုင်း-၃ ဟူ၍ ဆိုနိုင်ခဲ့ပေမည်။ အဘယ်ကြောင့် သူနှင့် သူ၏ အကြောင်းသည် လျှို့ဝှက်နေခဲ့ရပါသနည်း။ ဒုတိယကမ္ဘာစစ်ကြီးမဖြစ်မီက သူ၏ လက်ရာများကို အခုလိုမြင်တွေ့ကြရသော်လည်း စစ်ကြီး ပြီးဆုံးချိန်တွင် ဤမောင်လာဘံသည်ကားဆိုလျှင် မြန်မာပန်းချီလောကကြားဝယ် အမည်အားဖြင့်ပင် မကြားရတော့သလောက် ဖြစ်သွားခဲ့ပုံရ၏။ ကြမ်းတမ်းသော စစ်ကြီးသည် မောင်လာဘံဆိုသူ ပန်းချီသမားတစ်ဦးအား ယိမ်းခါသွားစေခဲ့သလား၊ ........မန္တလေး ပန်းချီကျော် ဦးဘသက်သည်ပင် စစ်ကြီးအတွင်း သူ၏ ပုံကားများ ကြေမွပျက်စီးခဲ့ကြပြီးနောက် စစ်ပြီးခေတ်တွင် သူသည်ကားဆိုလျှင် ပန်းချီကားသစ်များ မရေးဖြစ်တော့သလောက် ဖြစ်သွားရကြောင်း......ကျွန်ုပ်တို့ မှတ်သားခဲ့ရဖူးပါပေသည်။ ....သို့နှင့် လျှို့ဝှက်သော ``မောင်လာဘံ``၏ ဝေးတမြေ ဂယ်လာရီတစ်ခုတွင် ရောက်ရှိနေခဲ့သည့် ရှားပါးလက်ရာ ဤပုံကားကို တင်ဆက်ရာဝယ် ပန်းချီမိတ်ဆွေများ ကျေနပ်နှစ်သက်ကြမည်...ဟု ကျွန်ုပ်တို့ ယုံကြည်မိပါကြောင်း။ — 

Watercolor painting by Hsieh Ming Chang

Watercolor painting by Hsieh Ming Chang

Watercolor painting by Hsieh Ming Chang

Watercolor painting by Hsieh Ming Chang

Watercolor painting by Hsieh Ming Chang

Watercolor painting by Hsieh Ming Chang

`နားသမင်္ဂလာ(၂၀၀၉)

ပေါ်သိမ်း၏
``နားသမင်္ဂလာ(၂၀၀၉)``....အမည်ရ ပန်းချီကား။
သူ့ကိုယ်သူ ``အညာသားတစ်ဦး``....ဟု မကြာမကြာ ညွှန်းဆိုလေ့ရှိသူ.....ခေတ်ပေါ်ပန်းချီဆရာ ပေါ်သိမ်း၏ လက်ရာများတွင် ``ဧရာဝတီ...၊ ....ထနောင်းပင်လေးများ၊ ....မြက်ခင်းဝါလေးများ``စသည်ဖြင့် အညာနှင့် မြန်မာရနံ့လေးများ ပျံ့နှံ့နေတတ်ကြလေသည်။ ဤပန်းချီဆရာတစ်ယောက် သူ၏ အညာမြေသို့ လွမ်းဆွတ်နေကြောင်းမှာ သိသာလှ၏။ .... ၁၉၇၀ နှစ်များကာလက သူသည် ယုံကြည်ချက်ကြောင့် အကျဉ်းကျခဲ့ဖူးသူ၊ ``ဥဒေါင်းမင်း``အနုပညာဂယ်လာရီကို တည်ထောင်ခဲ့သူ၊ ၁၉၉၀ နှစ်များတွင် ဝေးတမြေဖြစ်သည့် အမေရိကန်ပြည်ထောင်စုသို့ ရောက်ရှိသွားခဲ့သူ၊ ...ထိုစဉ်နှစ်များက ``ဒေါ်အောင်ဆန်းစုကြည်၏ ကြောက်ရွံ့ခြင်းမှ ကင်းဝေးရေး``(မြန်မာ)စာအုပ် မျက်နှာဖုံး ရေးဆွဲခဲ့သူတစ်ဦး အဖြစ်လည်း ကျွန်ုပ်တို့ အမှတ်သညာထားမိခဲ့ပေသည်။ ....ဤပုံကားလေးကတော့ မြင်တွေ့ရခဲသော သူ၏ လူပုံတူကား တစ်ချပ်ဖြစ်ကာ ...၁၂-နှစ်အရွယ် သမီးငယ်လေးတစ်ဦး၏ နားသမင်းသမီးဝတ်စုံလေးနှင့် ချစ်ခင်ကြင်နာဖွယ် ပုံရိပ်လေးကို မြင်တွေ့ကြရမည် ဖြစ်လေ၏။ ခေတ်ပေါ်ပန်းချီဆရာတစ်ဦး၏ နုညံ့သော မျဉ်ဖြောင့်မျဉ်းကွေးများ၊ အထားအသိုကျနမှုနှင့်အတူ ဤပုံကားလေး၏ ရွှေရောင်ဝင်းပချက်များ....စသည်ဖြင့် အားရှိသော သူ၏ စုတ်ချက်များသည် သင်၏ စိတ်မနောကို ဆွဲငင်သွားဖွယ်ရာရှိသည်...ဟု ကျွန်ုပ်တို့ ထင်မြင်မိပေသည်။

ဗဂျီ အောင်စိုး(၁၉၇၀ နှစ်များ?)

မန်မာ အနုပညာ။
ဗဂျီ အောင်စိုး၏
``ဗဂျီ အောင်စိုး(၁၉၇၀ နှစ်များ?)``အမည်ရ ပန်းချီကား။
....ဂျပန်ခေတ်ကာလ တစ်ခုသောရက်တွင် ရန်ကုန်မြို့၏ လမ်းများထဲ သူ လျှောက်သွားနေရင်း ....ဗဟန်းရပ်၊`` ရွှေကျင်ကျောင်းတိုက်``အနီးသို့အရောက်တွင် ....ဟန်ကျပန်ကျ ပန်းချီထိုင်ရေးနေသူတစ်ဦး၏ လက်ရာကို မြင်တွေ့သွားခဲ့ရာမှ ထိုဆရာသမား၏ ထံပါး၌ ခိုလှုံခဲ့ရင်း .......သူ၏ အနုပညာပန်းချီဘဝ စတင်ခဲ့ကြောင်းဖြင့် ....ဗဂျီအောင်စိုးက ဆိုခဲ့ဖူးလေသည်။ မြန်မာပန်းချီကျော် ဦးဘဉာဏ် အုပ်ချုပ်သော ``စတိတ်အကယ်ဒမီသိပ္ပံကျောင်း``တွင်လည်း သူ ပညာသင်ယူခဲ့ဖူးလေကာ.....၁၉၄၇၊ ``တာရာ``မဂ္ဂဇင်းပါ ငွေတာရီ၏ ကဗျာကို သရုပ်ဖော်ထားသည့် ပုံကားသည် ပရိသတ်သို့ ထုတ်ပြသည့် သူ၏ အစောဆုံး လက်ရာဖြစ်ခဲ့၏။ ၁၉၅၁၊ ....အိန္ဒိယနိုင်ငံ၊ ``သျှ န္တိနိကေတန်``ကျောင်းတော်တွင် အစိုးရပန်းချီပညာတော်သင်တစ်ဦးအဖြစ် တက်ရောက်သင်ကြားခဲ့သူ၊ ၁၉၅၂ တွင် ဆိုဗီယက်ပြည်ထောင်စု၊ အိန္ဒိယ၊ ပါကစ္စတန်နှင့် အာဖဂန်နစ္စတန်နိုင်ငံများသို့ ပန်းချီလေ့လာရေးခရီးထွက်ခဲ့ဖူးသူ၊ ထို့ပြင် .....၁၉၆၂- ၇၈ နှစ်များအတောအတွင်း ရန်ကုန်စက်မှုတက္ကသိုလ်၌ ပန်းချီပညာကထိက အဖြစ် ထမ်းဆောင်ခဲ့ဖူးသည့် ....ဗဂျီအောင်စိုးသည် ``ရိုးရာမှသည် ခေတ်သစ်ပန်းချီသို့``...ဟူသော အယူအဆကို ကိုင်စွဲခဲ့သူ ....ပန်းချီဆရာတစ်ဦး ဖြစ်ကြောင်းနှင့်တကွ၊ .....ထိုသို့သော အနုပညာဘဝနောက်ခံပုံရိပ်များရှိလေသည့်

ဗိမ္မိသာရမင်း ဘုရားအလောင်းတော်နှင့်တွေ့ဆုံခန်း ပုရပိုဒ်ပန်းချီ။၁၈၃၇

artist ~ soe lin aung ( 2013 )

မိန်းမသားတစ်ဦး(၂၀၀၀ နှစ်များ)

မြင့်နိုင်၏
``မိန်းမသားတစ်ဦး(၂၀၀၀ နှစ်များ)``....အမည်ရ ပန်းချီကား။
တောင်ကုတ်မြို့သားတစ်ဦးဖြစ်သူ သူသည် ၁၉၆၇ တွင် မွေးဖွားခဲ့၍ .....ငယ်ရွယ်စဉ်က သူတို့မြို့သို့ အောက်ဒိုး လာရောက်ရေးဆွဲသည့် အမျိုးအမည်မသိရသော ပန်းချီဆရာကြီးတစ်ဦး၏ လက်ရာကို ထိုင်ငေးခဲ့ရာမှသည် .....မွေ့လျော်ဖွယ်ကောင်းသော ပန်းချီမှုတွင် စတင်ဝါသနာပါလာခဲ့ကြောင်းဖြင့် သူက ဆိုလေသည်။ သူသည် ရန်ကုန်မြို့ရှိ ပန်းချီပန်းပုကျောင်းသို့ ၁၉၈၆-၈၈ နှစ်များဆီက တက်ရောက်သင်ကြားခဲ့သူဖြစ်ကာ ....ကျောင်းပြီးစ ထိုစဉ်ကာလ ဤပန်းချီဆရာ မြင့်နိုင်သည် ရန်ကုန်မြို့ထုတ် စာစောင်နှင့် မဂ္ဂဇင်းများတွင် သရုပ်ဖော်ပန်းချီများကို ရေးဆွဲခဲ့ဖူးပေသည်။ သူ၏ တစ်ကိုယ်တော်ပြပွဲ တင်ဆက်မည့်အချိန်နှင့် ....၂၀၀၇ လိမ္မော်ရောင်လှုပ်ရှားမှုတို့ မတော်တဆ တိုက်ဆိုင်ခဲ့သဖြင့် ထိုပြပွဲ မဖြစ်မြောက်ခဲ့သည့်တိုင် .....၁၉၉၁``The Treasure Gallery``.....တွင် သူ၏ အစောဆုံး အုပ်စုလိုက်ပြပွဲ ပါဝင်တင်ဆက်မှုမှသည် .....အခြား ဂယ်လာရီများ၊ ထို့ပြင် စင်ကာပူ၊ ဂျပန်၊ သြစတေးလျနိုင်ငံများတွင်လည်း အခြား အနုပညာရောင်းရင်းမိတ်ဆွေများနှင့်အတူ ..... သူ၏ လက်ရာမွန်များကို ပြသခဲ့ဖူးလေသည်။ ရေဆေးပန်းချီတွင် နှစ်ခြိုက်နေတတ်သော သူက ``......(ပုံရေးဆွဲနေရင်း) ကိုယ်လိုသလို မဖြစ်လာရင် စိတ်တိုင်းမကျဖူး။ အဲဒီလိုမျိုး ဖြစ်ချင်ဇော``လောဘ``ကလဲ လူကို ဒုက္ခပေးတယ်။ ရေဆေးရေးရာမှာက စိတ်လက်ပေါ့ပါးမှ ပိုကောင်းတာ။ တခါတခါ ပန်းချီပုံ နှစ်ပုံရေးမှ တစ်ပုံလောက်ပဲ ရတာလေ...၊ ဒါ ရေဆေးရဲ့ သဘောသဘာဝပဲပေါ့ဗျာ။``ဟု သူ၏ အနုပညာဖန်တီးမှုနှင့် စပ်လျဉ်း၍ ပြောပြခဲ့ဖူးလေသည်။ —